Cenazeya kedkarê ziwanê kurdî, kedkarê dewaya azadîya Kurdistanî Mehmûd Yoruk(Mehmûd Neşîte) ewro (09.11.2022) Goristanê Yenîkoyî ya Amedî de amey heqkerdiş.
Cigêrayox û Nuştoxo Kurd Malmisanijî mezela Mehmû Yorukî ser o qisêykerdişêk kerd. Malmisanijî derheqê xebata Mehmûd Yorukî ya ziwanê kurdî ser û bi taybetî zî zaravaya Kirmanckî/Zazakî ser qisê kerd. Malmisanijî va "Mehmûd Yoruk, bêvinterdiş 50 serran ra zêdêr semedê dewaya miletê Kurd xebate kerde, semedê ziwanê Kurdî û bi taybetî semedê Kirmanckî xebatêka ercaye kerda".
Pa keye û nas û dostê Mehmûd Yorukî, endamê Grûba Xebate ya Vateyî, sîyasetmedar, roşnşvîrê Kurd Salim Çelîker, Ciwanroj Ceyhan, hetkarê Serekê Serekê Pêroyî yê PAKî Vahît Aba, Vervatoxê PAKî Hanîfî Tûran, endamê Meclîsa PAKî Mehmet Alî Yilmaz û xeylê endamê PAKî û welatperwerê Kurd zî beşdarê cenazaya Mehmûd Yorukî bîy.
Mehmûd Yoruk serra 1943î de qezaya Farqînî ya Amedî de ameyo dinya, bi eslê xo dewa Licê Xosor ra yo. Roja 09.11.2022yî Amed de rîyê nêweşîya xo ra dinyaya xo bedilna.
Rûpela Nû/Amed