Cenazeya Ayten Kayaya ke yeno îdîakerdene ke qezaya Gêlî ya Amedî de xo kişta, amey definkerdene.
Ame îdîakerdene ke dewa Basrasî ya qezaya Gêlî ya Amedî de dayîka 7 gedeyan Ayten Kayaya 35 xo kişta. Ame zanayîş ke, Ayten Kaya saetanê serê sibayî de axurê keyeyê xo de xo aliqnaya.
Cendirmeyê ke ameyî cayê hedîse îzeh kerdî ke Ayten Kaya merda. Cenazeya dayîka 7 gedeyan Ayten Kaya wedarîya Nêweşxaneyê Dewlete yê Gêlî û uca ra zî seba otopsî wedarîya morgê Nêweşxaneyê Perwerdeyî û Cigêrayîşî yê Selahaddîn Eyyûbî. Badê ke keye cenaze girewt berd Goristanê Yenîkoyî yê Amedî û defin kerd.
Ame vatene ke derheqê hedîse de tehqîqat dîyayo destpêkerdene.