Polîsanê Norweçî aşkere kerd ke cenazaya ke destpêkê serre de Kanalê Îngilîzî yê qeraxê welatî de dîyaya aîda dergûşê 15 menge ya kurde ya.
Polîsanê Norweçî eşkera kerd ke domanê bi nameyê Artînî wexto ke keyeyê xo reyde Fransa ra şîyêne Îngilîstanî keştîye kewta bînê awe û domane vînî bi. Xebata cigêrayîşî de cenazayê endamanê bînan ê keyeyî Rasol Îran-Nejad (35), Shîva Mohammed Panahî (35) û domanê înan Anîta (9), Armîn (6) amey vînayîş. Keye şaristanê Serdeştî yê Rojhelatê Kurdîstanî ra yo. La cenazaya Artînî nêameybî vînayîş.
Polîsanê Norweçî da zanayîş ke, cenaza nêzdîyê Karmoyî de qeraqê welatî de hetê di karmendan ra destpêkê serre de dîyaya. Netîceya testê DNA de eşkera bi ke cenaza yê Artînî ya. Cenazaya Artînî erşawîya Serdeşt.