Karaktera verêne ya fîlmê dokumenterî yê 'Hay Way Zaman' û 'Çênayanê Vînîbîyayeyan ê Dêrsimî' ra Emoşe Gulver şîye heqîya xo.
Karaktera verêne ya fîlmê dokumenterî yê 'Hay Way Zaman' û 'Çênayanê Vînîbîyayeyan ê Dêrsimî' ra Emoşe Gulver Bursa de şîye heqîya xo.
Emoşe Gulver hema ke 5-6 serre bîye wextê Terteleyê Dêrsimî yê 1938î de keyeyê ci ra pê zorî amebî girewtene û dîyabi keyeyêkê tirkî. Nameyo raştikên ê Emoşe Elîfe bîye. Emoş Gulver serran ra dima dezayê xo Huseyîn Kamerî reyde amebî yewca ke keyeyê ci ra têna Kamer terteleyî ra xelisîyabi.
Produktorê 'Hay Way Zaman' Kazim Gundogan hesabê xo yê twitterî ser o wefatê Emoşe pare kerd û vat: ''Binê kişteyan de weş mendbî. Înan a kokê ci ra qerifnaye berde û nameyê ci kerd Emoşe. Wexto ke ma a dîye têna boya gonîya kekê ci ameyêne vîrê aye. Dima ma dezayê ci Kamer dî. Emoşe ver bi kokê xo Dêrsimî kewte rayîr û dezayê xo reyde ameye yewca. Çend ke dî ame vîrê ci. Dejê ci, hîkayeya ci ya cuye tarîxî ser o ameyî qeydkerdene.''