Qezaya Dîyarbekirî Bismil de ciwano ke şibi maseyan çemê Dîcle de xeniqîya.
Qaso ke zanîya ciwan Îrfan Kizilkayayo 21 serrî mîyanê Çemê Dîcle de mendo û xeniqîyayo. Wexto ke hedîse pêhesîya, ekîbê xelisnayîşî û keyeyê ciwanî semedo ke tirmê ey bivînê amê kişta Çemê Dîcle. Cenazeyê ciwanî çend saetan ra dima binê awe ra amey vetiş.
Tirmê ey demê fitarî de binê awe ra ame vînayîş û vetiş. Cenaze semedê otobsî erşawîya Sazîya Tîpa Edlî.
Demê hamnanî de bajaranê Bakurê Kurdistanî de hedîseyê xeniqyayîşî zêde bîyê. Şar bê kontrol kişta çeman de asnaw keno, yan zî maseyan tepişneno. Her serre çeman de seyan de kesî xeniqyenê. Bi taybetî Çemê Dîcle de.