Çekdarê ke Efrîn de semedê Tirkîya falîyet kenê, hîrê dewanê Efrînî ê ke destê YPG de yê rê hêriş kerd. 7 çekdarî amey kiştiş, 5 şervanê YPG merdî.
Teşkîlatê Heqanê Merdiman yê Sûrîye derheqê hêrişê çeteyan de beyanat da û aşkera kerd ke, çekdarê ke girêdayîyê Tirkîya yê, dewanê qezaya Efrînî Şera, Malikiye, Merenaz û Şewaxra rê hêriş kerd. Nê her 3 dewî destê YPG de yê.
Goro ke vajîya mebênê şervananê YPG û çeteyan de pêrodayîşêko xidar vejîyayo û her di hetan ra zî kişte û birîndarî estê.
Çeteyan kerd ke xo bierzê mîyanê ê dewan la cewabdayîşê şervananê YPG ser o çekdarî mecbur mende ke peyser biremê.
Ame zanayîş ke hêrişê çeteyan ra dima artêşa Tirkîya a mintiqa bombarduman kerda.
Vajîyeno ke. 7 çekdarê ke girêdayîyê Tirkîya yê amey kiştiş û 5 şervanê YPG zî merdî.