Merkezê Xeberan - Medyaya fermî ya hukmatê Sûrîya aşkere ke, çekdarê ke semedê Tirkîya Serê Kanî de falîyet kenê 30 welatiyê sivîlî remnayê.
Gorê ajansê resmî yê Sûrîye SANA, hêzê çekdarî ê girêdayîyê Tirkîya Serê Kanî de sey Efrînî welatîyanê sîvîlan remnenê û keyeyanê înan ra pere wazenê.
Goro ke vajîya çekdaran dewa Til Helefî ke kewena rojawanê Serê Kanî û bakurê rojawanê bajarê Hesekî ra nê sîvîlî remnayê û nêno zanayîş ke kesê ke amê remanyîş ça de yê.
Hêrişê artêşa Tirkîya ra ver Serê Kanî û Girê Spî destê Hêzê Sûriyeya Demokratîke (HSD) de bî.