Efrîn de çekdaranê girêdayîyê artêşa Tirkiya, semedê girewtişê fidye, 5 welatî remnayî.

Gorê beyanatê Teşkîlatê Heqanê Merdiman yê Efrînî, koma Polîsanê Eskerî semedo ke fidye bigîrê, 1ê na aşme de 4 welatî  dewa Behdîna ya qezaya Raco ra remnayê.

Namê kesê ke ameyê remnayîş wîna yê: Xelîl Hac Mihemend Şaban, Omer Beyrem Elo, Rifet Husên Mihemed û Ebdo Mihemed Yûsif.

Heto bîn ra teşkîlatî aşkere kerd ke, Xelîl Hac Mihemend Şaban girewtişê fidye ra dima ameyyo veradayîş. La aqûbetê hîrê kesanê binan bewlî nîyo.