Merkezê Xeberan- Vizîr vajîyabi ke sîyasetmedara Kurde ya cinî hetê DAIŞî ra ameya kiştene. La îdîa beno ke Sîyasetmedara Kurde hetê çekdaranê OSOyî ke seba Tirkîya şer kenî ra ameya kiştene.
Hemsereka Partîya Sibarojî Ya Sûrîye Hewrin Xelef vizêr Girê Sipî de demê vîyartişê konvoya însanî de ameybî qetl kerdene.
Vizîr vajîyabi ke sîyasetmedara Kurde ya cinî hetê DAIŞî ra ameya kiştene.
Muxabîrê BBC Riam Dalatayî hesabê xo yê Twitterî ser ra aşkera kerd ke, Hewrin Xelef hetê çekdaranê OSOyî ra ameya kiştene û bi yew video îdîaya xo ispat kerd.
Heto bîn ra muxabîrê BBC yewna vîdeo pare kerd û video de asîyeno ke çekdarê OSOyî 3 xortê Kurdî ê sîvîlî tepişti û dima ra înan kiştenî.
Na video ke 3 xortê Kurdî ê sîvîlî bê sebeb yenê qetilkerdiş medyaya sosyale de raştê hêrsî amey.
Kanalê Amerîka NBC na kerdena çeteyan sey “sûcê merdimatî” da.