Merkezê Xeberan - Terorîstê DAIŞî hem Sûrîye de hem zî Iraq de falîyetanê xo zêdnenê û her roj herîşan kenê.
Vajîyeno ke çekdaranê DAIŞî mintiqaya mabênê bajaranê Dêrazor û Şamî de 11 eskerê rêjîmê Sûriye û kiştî.
Keyepelê erebî yê “alquds.co.uk” o ke merkezê ci London de yo aşkere kerd ke, terorîstanê DAIŞî nê rojanê peyênan de mabênê bajaranê Dêrazor û Şamî de dest ronayê komêk esker û fermandaranê rêjîmê Sûriye ser û pey ra zî pêro kiştê.
Goro ke vajîyeno çekdaranê DAIŞî a mintiqa girewtê xo dest.