Grûpa Cebhe El-Şamiî 25 kesî qezaya Mabata ya herêma Efrînî ra destbend kerdî, mîyanê kesê ke ameyê destbend kerdene de nasnameyê 2 cinîyan zî bewlî nîyo.

Goro ke vajîya Efrînê Rojavayê Kurdistanî de çekdaranê grûpa Cebhe El-Şamî ya oposizyona Sûriye ke semedê Tirkîya falîyet kena, 25 kesî qezaya Mabata ya herêma Efrînî ra  destbend kerdî.

Gro ke ame zanayîş, mîyanê kesê ke ameyî destbend kerdene de çend cinîyê Kurdî zî estê.

Herêma Efrînî ya Rojavayê Kurdistanî 18ê Adara 2018 ra nata binê  kontrolê hêzê artêşa Tirkiya û komaê çekdarî yê opozisyona Sûriye de ya.