Merkeze Xeberan
Dîyarbekir de cayê "VATE"yî do roja şeme saete 17.00 de bêro akerdene. Na wesîle ra silayîname ameye vilakerdene.
Dîyarbekir de cayê "VATE"yî do roja şeme saete 17.00 de bêro akerdene. Na wesîle ra silayîname ame vilakerdene ke wa heskerdoxê kirdkî( zazakî) beşdar bibê û wayîrê ci vejîyê.
Weşanxaneyê Vateyî bi serrano ke kirdkî (zazakî) ser o xebate keno û hetanî nika hetê weşanxaneyî ra 61 reye Kovare bi nameyê Kovara Vateyî weşan bîya.
Bê na kovare hetanî nika hetê weşanxaneyî xeylê kitabê bi kirdkî (zazakî) weşan bîyê.
Weşanxane hetanî nika ziwanê ma rê xizmetêko pîl kerdo. Bi sayê Weşanxaneyî Vateyî û Grûba Xebate Ya Vateyî bi seyan kesî eleqeyê xo dayê ziwanê nuştekî ser û feydeyê nê weşanxaneyî û Grûba Xebate Ya Vateyî ziwanê ma rê zaf pîl o.
Weşanxaneyî Vateyî nika zî Amed de cayêko newe akeno. Bi akerdişê cayê Weşanxaneyê Vateyî êdî wendoxê kirdkî eşkenî bi rehetî xo biresnê weşananê kirdkî û temîn bikerî.
Weşanxane siba saete 17:00 de bi merasîmêk abeno û coka seba heskerdoxanê kirdkî (zazakî) silayîname (dawetîye) ameye vilakerdene.