Çawişo pispor Omer Ayaso ke Mêrdîn de cinîyêke rê tecawuz kerd, vera dîya.
Çawişê pisporî Omer Ayaso ke Fermandarîya Alaya Mekanîze ya 70. ya artêşa tirke de wezîfedar o, Mêrdîn de kanûna 2018î ra heta hezîrana 2019î de bi gefan cinîyêka 19 serre rê tecawuz kerdbî.
Çawişo pispor Ayas bi sûcdarîya ''bi gef û teda merdimî azadîye ra bêpar verdiş'' û ''tecawuzî'' ameyêne muhakemekerdene.
Roniştişê bire yê dewa de dozgerîya tirkan îdîa kerd ke ''rizaya cinîyan estbîye'' û waşt ke tecawuzker vera bidîyo.
Heyetê mehkeme bire daye û çawişo pispor vera dîya.