Çarpel Medya ke demek o xo seba weşanê xo amade keno, dest bi weşanê xo yê teskî kerdo 11 Temmuza 2020î, roja Yewşeme, gorê saete Dîyarbekirî saete 11:00 de (gorê saeta Ewropa 10:00) dest bi weşanê xo keno.
Zanîyeno ke, kenê ke vengê şarê Kurd û Kurdistanî bibirnê. Coka Çarpel Medya do bi weşananê xo bibo vengê şarê Kurd û Kurdistanî.
Çarpel Medya do warê kulturî, hunerî, tarîxî, edebîyatî û sîyasetî ra, bi meymananê xo yê pisporan û bi awayêko hîra weşanê xo biko.
Meseleyê merdimayî û perçeyêkê ey pêro meweleyê miletê Kurd û Kurdistanî û meseleyê ke pêroyê Kurdan eleqedar kenê do ekrananê Çarpel Medya ser o ca bigîrê.
Çarpel Medya de meseleyê miletê Kurd û Kurdistanî, dirbetinê kurdan, dejê kurdan keyfweşîya kurdan ca bigîrê û ekran do heme welatperweran rê akerde bo.
Seba ke wa Miletê Kurd û estbîyayîşê Kurdistanî bêro qebûlkerdene, heqê Kurdan ê demokratîkî bêrê dayene, Kurdî azad bibê û seba ke wa şarê Kurd bibo wayîrê statuyêk û welatê xo de bieşko xo bi xo îdare biko, Çarpel Medya do weşanê xo biko.
Seba ke ma sey miletêk bieşkê pîya qisey bikê, meseleyanê xo rê pîya çare bivîne ma weşanê ey de Çarpel Medya rê serkewtiş wazenê.
Çarpel Medya bi wayîrvejyayîşê mîlyonanê bêvengan do bibo vengê mîlyonan.