Merkezê Xeberan - Taxa Kayacikî ya qezaya Kestelî ya Bursa de netîceya wariştişê laserî de 5 mensûbê keyeyê çewlgijî bîyî vîn. Cigêrayîşan ra dima înan ra meyîtê 4 kesan ame vînayîş.
Taxa Kayacikî ya qezaya Kestelî ya Bursa de laser warişt. Wextê laserî de keyeyê Bîlenî yo ke qezaya Dara Hênî ya Çewlîgî ra koçê Bursa kerd, kişta layî de keyeyê xo de bi. 5 ferdê keyeyê Bîlenî laser de şîyî.
Xebata cigêrayîşî ra dima hêverî meyîtê kênaya 5 serre ya keyeyî ame dîyene. Meyîtê kêna ra 500 metreyan ra wetêr zî meyîtê 3 ferdan ê bînan ê keyeyê Bîlenî ameyî dîyene. Cenazayê ferdanê keyeyê çewligijî wedarîyayî morgê nêweşxaneyî.
Keyeyê Bîlenî ra hema zî ferdêk/e vînbîyaye yo/ya. Xebata cigêrayîş û xelisnayîşî dewam kenê.