Bulgarîstanî bi bahaneya koçberîye qasê 350 leşkerî şawitî serê sînorê Tirkîya.
Wezîrê Pawitişî Georgi Panayotovî pare kerd ke înan roja dişemeyî ra nata semedê paştdayîşê bi 'polîsanê sînorî' leşkerî şawitî serê sînorê Tirkîya-Bulgarîstan. Panayotovî televîzyonêkî rê zî heman agahîye daye û da zanayene ke înan qadê 350 leşkerî şawitî serê sînorî.
Goreyê Wezaretê Karanê Zereyî menga çeleyî ra heta êlule zafê ci afganî 6500 koçberî sînoranê Bulgarîstanî ra derbaz bîyî û serra 2020î de koçberîye qasê hîrê qatî zêdîyaye.
Sînorê Bulgarîstan-Tirkîya pê têlan amebi girewtene la reyna zî koçberî tira derbaz benê.
Parlamentoyê Bulgarîstanî tebaxe de bire dabî ke 400-700 leşkeran bişawo serê sînorî yê Yunanîstanî û Tirkîya.
Bulgarîstano ke endamê Yewîya Ewropa yo, qetî zêdêr koçberî qebul nêkerdî.