Merkezê Xeberan -Koşka Mîrîtiya Walesî, Clarence Houseî rast kerd ke, netîceyê testê Şahzadeyê Walesî, Prens Chalesî pozîtîv vejyayo û o zî bi vîrusê COVID-19 kewto.
Hetê Clarence Houseyî ra ame aşkerekerdiş ke, nêweşîya Prens Charlesî giran giran şina la rewşa weşîya ey hol a.
Vajîyeno ke şahzade Charlesî “çend rojîyo ke keye de karê xo keno.”
Dukê Cornwalsêî zî testê korona dabi, la netîceyê testê ey negatîv vejyabi.
Clarence Houseyî aşkere kerd ke, “Prens Charles û cinîya ey Camilla nika Balmoralê Skotlandî xo îzole kerdê û karantîna de yê”.
Koşka Clarence Houseyî vana ke, “nêameyo zanayîş ke Prens Charles kamî/ê ra vîrus girewto.”