Welatê Îngîlîstanî semedê krîzê sîyasî û eskerî yê mabênê dewleta Amerîka û Îranî de beyanat da.Deweleta Îngîlîstanî vana: Ma kişta Amerîka de ca gênê.
Welatê Îngîlîstanî semedê krîzê sîyasî û eskerî yê mabênê dewleta Amerîka û Îranî de beyanat da.Deweleta Îngîlîstanî vana: Ma kişta Amerîka de ca gênê. Wezîra Pawitişî ya Brîtanya Penny Mordaunt no derheq de beyanat da û îzah kerd ke, Amerîka ortaxa Îngîlîstanî ya û wina va: Ma ortaxê Amerîka yê. Aye ra ma kişta Amerîka de ca gênê.
Wezîrê Karanê Teberî yê Îngîlîstanî Jeremy Huntî zî vîzîr no derheq de qisê kerdibi û vatbi: Ma desteg danê Amerîka. Amerîka do cewabê tehdîdanê Îranî bido ci. Heto bîn ra Serekê Amerîka Donald Trumpî newe ra dewleta Îranî tehdîd kerd. Donald Trumpî va: Eger Tehran vera menfietnê Amerîka karêk biko do dersa xo bigîro. Ma pêro zanê ke Îran desteg dano teror. Trumpî dewleta Îranî tehdîd kerd û va: Eke Îran semedê şerkerdişî hadre yo ma zî hadre yê.
Kiştêk ra zî dewleta Iraqî nêwazena wa mabênê Amerîka û Îranî deşer û pêrodayîş vejîyo. Serekê welatê Iraqî Adil Ebdulmehdî wazeno mabênê Îran û Amerîka de bibo mîyançî. Abdulmehdî vano: Ma do semedê safîkerdişê meseleyanê mabênê her di welatan, hetanî çend rojan heyetêk bierşawe Waşington û Tehran.