Merkezê Xeberan - Kurdistanijê Elîstanî Îbrahîm Ozalpo 91 serreyo ke London de ciwîyeno vîrusê Korona ra xelisîya.
Ozal des rojî verê cû dejê qelbî ra şibi nêweşxane û tede vîrusê Korona ame tesbîtkerdene.
Ozal 91 serre yo tedawîya virusê Korona bi serkewte temam kerd û vîrusî ra xelisîya.
Ozal ewro nêweşxane ra do bêro vetene û keyeyê xo de wextêk binê karantîna de do bimano.
Lajê Îbrahîm Ozalpî Behzat Ozalpî vat: ''Babîyê mi de tengîya nefesî estbî ma pê şikê krîzê qelbî o berd nêweşxane. Testan de ci de vîrusê Korona vejîya. Nika rewşa ci baş a. Babîyê mi 14 rojî do keye de binê karantîna de bimano.''