Helîkopterêkê TSK Colemêrg de dewijê ke tîcaretê sînorî kerdêne, pê bombayan eşt înan ser. Bombarduman de tutêko 14 serre merd.
Colemêrg de dewijê ke tîcaretê sînorî kenê raştê hêrişê helîkopterê TSK amey. Helîkopterî dewijan ser o bombayî rişnayî. Netîceyê bombardumanî de tutêko 14 serre kişîya.
Ame zanayîş ke, vizêr dewijê dewa Çemekurkî ya qezaya Derecîkî ê ke tîcaretê sînorî kenê, gama ke Vaşûrê Kurdistanî ra agêrêne raştê hêrişê eskeran amey. Netîceyê hêrişê helîkopterî de Vedat Ekîncî yo 14 serre kişîya û dewijan ra yewêk zî bi giranî birîndar bi.
Dewa Roboskî ya qezaya Qilabanî ya Şirnexî de teyareyanê şerî ê artêşa Tirkîya 28ê Kanûna 2011’î de qetlîamêk kerdbi. 19’ê înan tutî 34 kesî ameybî qetilkerdene.