Di daxuyaniyekê de bi navê Banga Alîkariya Hevbeş ew 10 partî dibêjin: “Tevî cudahiyên nêrînan, wan alîkariyeke hevbeş dest pê kiriye û alîkariya wan bingehek e ji bo yekgirtîbûna bêhtir a hêzên dijberî Komara Îslamî ya Îranê.”
Her 10 partiyên siyasî projeyeke 14 xalî pêşkêş kirine ku têde behsa avakirina desthilateke demokratîk ya parlemanî li ser bingeha cudahiya ol û desthilatê û parastina mafê pêkhateyên netewî, damezrandina sîstema siyasî û îdarî ua federal dike.
Ji Rojhilatê Kurdistanê, her yek ji Hizba Demokrata Kurdistanê (HDK) û Hizba Demokrata Kurdistana Îranê (PDKÎ), Komeleya Şorişgerên Zehmetkêş yên Kurdistana Îranê û Komeleya Zehmetkêşên Kurdistanê di nava wê hevpeymaniyê de ne.
Ji netewên din jî, Azerî, Ereb û Belûç, her yekê rêxistineke wan beşdar e, tevî 2 rêxistinên çep û komunîst ên Îranê.