Dewa Bizdoxanî ya Dêrikî de, serra 2020î de demê şînê datzayan de mabênê 2 keyeyanê Karahananî de pêrodayîş vejyabi û keyeyêk hêrişê keyeyêk kerdbi û 3 kesî birîndar bibî. Badê cû mabênê her di keyeyan de nêweşî û dişmenetî virazîyabî.
Semedo ke wa nê her di keyeyî werê bêrê, wa keyeyê Karahanan oê bikê, Serekê Pêroyî yê PAKî Mustafa Özçalîk semedo ke wa pê bikê kewt dewre.
Vînayîş û pêşnîyaranê Eyup Alacabego ke a mintiqa de baş yeno naskerdene û hetêk ra zî endamê Meclîsa PAKî yo, heyeta ke Mustafa Özçelik, Hatip Özer, Sînan Ektiren û Ahmet karahan ke keyeyê Karahanan ra yo mîyan de estbî amey ronayîş.
Peynîya pêvînayîşanê 3 aşman de û bi serekîya Mustafa Özçelikî de teşebusê ke ameyê kerdene de, pêvînayîşî resay netîceyêk û her di keyeyê Karahanan pê kerd.
Roja 25.01.2021 de, dewa Bozdoxanî de bi beşdarîya qasê se kesan, keyeyê Karahanan û Eşîra Mehmûdan û heyeta mîyancî (Mustafa Özçelîk, Hatip Özer, Sinan Ektiren û Ahmet Karahan) organîzasyonêkê werdî cvirazîya. Heto bîn ra serekê Teşkîlatê PAKî yê bajarê Mêrdînî Bedran Acar, rayber û endamê meclîsa partiye Eyup Alacabeg, Şêxmus Unal, Omer Erdem, Osman Çeper û Mustafa Doran zî organîzasyonê wedî de ca girewtî.
Destpêkê Werdê pêkerdişî de nameye heyeta pêkerdişî ser o Mustafa Özçelîk qisey kerd.
Mustafa Özçelîkî qiseykerdişê xo de îzah kerd ke, meseleye mabênê keye û eşîran de pêrodayîşî ra ver gere dîyalo bibo û meseleyi gere pê pêvînayîşan bêrê safîkerdene. Coka zî ma her di hetan rê rayîr akerd, înan îradeyê xo teslîmê ma kerd û bi no qayde karê ma san bi ke ma ewr resayê nê netîceyî.
Mustafa Özçelikî her di keyeyanê Karahanan rê sipas kerd ke qerarê Heyeta Pêameyîşî qebûl kerdê û xatirê înan zanayê. Û bawerîya xo arda ke nika ra tepîya ê do pêbikerê.
nameye her di hetan ser o Erol Karahan û Enwer Karahan zî qiseykerdişêk kerdê û mabênê xo de pêameyîşê xo îlan kerdê û destê yewbînan girewtî.
Werdişê werî ra dima zî meleyê dewe derheqê aştiye de çend qisê vatî û bi wendişê fatîha kombîyayîş qedîya.
KIRDKÎ ( ZAZAKÎ) Haberleri
Mustafa Ozçelîk : Seba wayîrcivejyayîşê ziwanê kurdkî, her çî ra ver ma bi kurdkî qalî bike, ma kurdkî bimuse
10 XALAN DE PARTÎYA WELATPARÊZANÊ KURDÎSTANÎ (PWK)
Serekê Pêroyî yê Partîya Welatparêzanê Kurdistanî (PWK) Mustafa Ozçelik : Roja dayikan pîroz bo
PWK: Destpakerdişê tarîxê resmî ê qirkerdişê Dêrsimî 4ê Gulane 1937 o
Kurd-Kav serrgêra 1938î de Dêrsim de konferans dano