Baxçeyê Hewselî yê Dîyarbekirî, wayîrîya 200 tewir mîlçikan kenê û lîsteya Unescoyî de ca genê. 13 serran ra dima Hewselî de Mîlçika Incîre ya Koyî(Anthus spinoletta) ameye dîyayene.
Baxçeyê Hewselî semedê bîyotewirîya xo ra 2015î de kewtê lîsteya Mîrasê Kulturî yê Dinya yê Unescoyî. Hewsel de 200 tewir mîlçikî estê. Mîlçika Incîre ya Koyî, hîna zêde hetê başûrî yê qitayanê Asya û Ewrûpa de cuwîyena. Na mîlçike hamnanan cayanê bejîyan de vindena û zimistanan zî çereyanê awîyan de cuwîyena. Mîlçika Incîre ya Koyî tewr peynî 13 serran ra ver Hewselî de ameybî dîyayene. Mîlçika Incîre ya Koyî ekserî lulik û mîyesan wena.