Merkezê Xeberan- Batman de şarê a mintiqa 100 serrîyo ke Tirba “Abuzer Gaffarî” ziyaret keno, uca de qurbananê xwu dano û duayan waneno.
Wezîrîya Kultur û Turîzmî seba Projeya Bendawê Ilisuyî xebate da dest pêkerdiş û dewijan zî Wezîrîya Kultur û Turîzmî rê muracat kerd ke wa cayê tirbe bêro bedilnayîş û tirbe binê awe de nêmano.
Naye ser xebata kendişî dest pêkerd. La kendiş de vejya orte ke mîyanê tirbe veng o.
Muxdarê dewa Çayusty Mesut Ekincî vano: Ma nêwazenê bawer bike ke tirbe veng a. Ma se serrîyo ke yenî tîya û tîya de qurbanê xwu birnenê û duayan wanenî. La nika ma rê vanî tirbe veng a.