Wezîrê Weşîye Saman Berzencîyî roja sêşemeyî Hewlêr de kombîyayîşêkê çapemenîye kerd û pare kerd ke 2 kesanê bînan de zî vîrusê Korona Covid-19 amo tesbîtkerdene.
Berzencîyî da zanayene ke temamîya herême de 16 kesan de vîrus ame tesbîtkerdene. Berzencîyî îzah kerd ke 29 herêmanê Başûrê Kurdîstanî de 3 hezar û 64 kesî binê karantîna de yê û testê 2 hezar û 111ê ci negatîf vejîya û erşawîyayì keyeyanê xo.
Berzencîyî vat: ''Mabênê 24 saetanê peyênan de 2 kesan de vîrus ame tesbîtkerdene. Înan ra yew wendekarêko 19 serrî yo, o bîn zî kesêko 64 serrî yo.''
Wezîrê Weşîye eşkera kerd ke 953 kesî zî binê karantîna de yê.