Serokê berê yê Fermandarîya Giştî yê Tirkiyeyê Ilker Başbug di civînekê xwe ya ku li Zaningeha Uludagê li dar xistiye li ser rewşa rojhilata navîn axifîye û behsa rewşa Kurdan kiriye û gotîye; ”Kurd milletekî cuda ne. Ku meriv Îranê nehesibîne kurd di bin nîrê împaratorîya Osmanî de man û di dema împaratorîya Osmanî de kurd û tirk du miletên cuda yê bira bûn.”
Başbug di berdawemîya axaftina xwe de gotîye; ”Piştî şerê cihanê yê yekem pirsa kurdî derket holê. Miletê kurd beşek di nav sîronerên Tirkiyê, beşek di nav sînorên Sûrîyê û beşek jî di nav sînorên Iraqê de ma; yanî hatin perçekirin. Divê meriv tarîxî balê bikşîne ser vê nuxteyê.”
Herweha Serokê berê yê Fermandarîya Giştî yê Tirkiyeyê Ilker Başbug li ser şerê navxweyî yê Sûrîyeyê jî gotîye; Serokê Sûrîye Esad bi alîkarîya Rûsîya û Iranê di vî şerî de bi ser ket.