Serokê Herêma Kurdistanê Nêçîrvan Barzanî ragihand ku ew destekê dide biryara parlementoya Iraqê ya di derbarê temamkirina prusedura ku Helebçe bibe parêzgeh.
Serokê Herêma Kurdistanê Nêçîrvan Barzanî di ser hesabê xwe yê fermî yê medya civakî de ragihand ku ew biryara Parlementoya Iraqê ya di babeta Helebçeyê de bi erînî lê dinhêre. Barzanî weha ragihand:
“Em biryara parlementoya Iraqê ya ku Helebçeyê dike parêzgeh û wezîfa daye hukumeta Iraqê da proseduran temam bike, destek dikin. Endamên parlementoyê di vê mijarê de bi yek dengî biryarê dane û em vê kiryara wan bilind dinirxînin.”