Serokayetiya Herêma Kurdistanê herdu teqînên ku şeva Newrozê li bajarê Hesekê çêbûn, bi tundî şermezar kir û ragihand ku amade ne bi her cureyekê alîkariyê pêşkêş bikin.
Serokayetiya Herêma Kurdistanê di daxuyaniyekê de ew teqîn wek karekî tirsonek yê terorîstan bi nav kir û got: “Ev tawanên wiha wê îradeya gelê Kurdistanê di rûbirûbûna terorîst û dijminên mirovayetiyê de bihêztir bike û rêzên gelê Kurdistanê jî li hember dijminan bihêztir û yekgirtîtir bike.”
Di daxuyaniya xwe de, Serokayetiya Herêma Kurdistanê piştgiriya xwe ji bo Rojavayê Kurdistanê û Hesekê tekez kir û ragihand ku ew amade ne her cureke alîkariyê pêşkêş bikin.
Serokayetiya Herêma Kurdistanê herwiha sersaxî li malbata şehîdên teqînên Hesekê kir û selametî ji birîndaran re xwest.