Baroyê Amedî: 7 kesî semedo ke kurd bîyî kişîyayî

.

Endamanê Komîsyonê Ziwanê Kurdkî yê Baroyê Amedî qirkerdişê keyeyê Dedeogullariyî ra dima dest pê nobeta edaletî kerdbî. Endamanê baroyî çalakîya xo qedîna.

Qezaya Meramî ya Konya de 7 ferdê keyeyê Dedeogullariyî ameybî qetilkerdiş. Qirkerdişî ra dima endamanê Komîsyonê Ziwanê Kurdkî yê Baroyê Amedî seba protestokerdişê qirkerdişî verê Salona Konferansî ya Tahîr Elçîyî de qasê rojêk nobeta edaletî dabî destpêkerdene. Endamanê baroyî pê eşkerayîyêk çalakîya xo qedîna û da zanayîş ke ê do dewa teqîb bikerê.

Nameyê Komîsyonî ser o Avûkat Eyup Aydenîzî qisey kerd û pare kerd ke, hêrişê nîjadprestî yê Konya şermezar kenê. Aydenîzî vat: ''Ma venga rayaumûmî danê ke ma nê hêrişan qebul nêkenê. No hêriş munferîd nîyo, destpêk o. Şarê ma bêwayîr bîyo.''

Avûkat Emîn Gokdemîrî zî vat: ''Nê 7 kesî semedo ke kurd bîyî kişîyayî. Ma wazenê ke wa kes semedê ziwan û nasnameyê xo maruzê hêrişan nêmano. Ma venga hukmatî û dozgerîye danê ke seba cezakerdişê sûcdaran cade têbigêro. Wa hînî kurdî maruzê hêrişan nêmanê. Sereyê ma pêrûne weş bo.''


 

KIRDKÎ ( ZAZAKÎ) Haberleri

PWK: 1ê Gulana heme karker û kedkaranê dinya pîroz bo 
Serekê PWKê Mustafa Ozçelîk : Ma Amed Sporî Pîroz Kenê
Hîrê rojnamegerê Kurdî tewqîf bîyê
PWK: Ma Jenosîdê Ermenîyan Şermezar Kenê
PWK: 126 Serrîya Rojnamegerîya Kurdî Pîroz Bo