Balyozê Îranî yê paytextê Iraqî Baxdayî aşkere kerd ke, Iraq de bi vetişê Amerîkayîyan heyfê fermandarê hêzê Qudsî yeno girewten.
Balyozê Îranî yê Bexdayî Îrec Mescîdî röportaj da kanalêkê Iraqî va: Serekwezîrê Iraqî Mistefa Kazimî dostê Îranî yo kehen o û dîyalogê înan zaf baş o.
Îrec Mescîdî va, welatê ma nêwazeno karanê Iraqê yê zereyî de mijûl bibo. Ma sîyasetê xo Iraq ser o ferz nêkerdo.
Mescîdî qala hêrişê ke pê fuzeyan balyozxaneyê Amerîka rê benê zî kerd û wîna va: ‘Ma nêzanê kamî balyozxaneyê Amerîka bombarduman kenê, ma semedê nê karî desteg nêdanê kesî û ma nêwazenê Iraq bibo cayê şerî yê Amerîka.’’
Mescîdî kişyayîşê Qasim Silêmanî û Ebu Mehdî Muhendîs ser o zî qalî kerd û va, ‘’Semedê hefê înan heqê Îranî estê.’