Li gor nûçeya Ajans France Press (AFP) û Reutersê ku wek lezgîn weşandine, Nexweşxaneya Avrîn a Efrînê ku ji destpêka operasyona artêşa Tirkiye û komên girêdayî wê ve, birîndaran derman dike bi balafirên şer îşev hat bombebaran kirin.
Di nûçeyê de hat ragihandin ku 9 kesan di encama êrîşê de jiyana xwe ji dest daye.
Li aliyê din jêderên cuda radigihînin ku di encama bombardimanê de 15 sivîlan can daye û 38 kes jî birîndar bûne.
Hate ragihandin 3 ji cangoriyan bijîşên nexweşxaneyê bûne.
Digel êrîşa asîmanî ya li dijî Nexweşxaneya Avrînê, hejmara cangoriyên ku îro şehîd ketin 16 ji wan zarok, 16 ji wan jî jin gihişte 47an.