Merkezê Xeberan - Riha û Şirnex de xeylê tax û bînayî gêrîyayî binê karantîna, Amed de zî hûmara nêweşanê vîrusê Korona xeylî zêde bîya
Qezayanê Eyyûbîye, Sêwrege, Pirsûs, Wêranşar û Karakopru yê Riha de wexto ke testê vîrusê Korona yê tay kesan pozîtîf vejîya 11 bînayî gêrîyayî binê karantîna. Deweka Bogurtlenî ya Pirsûsî, deweka Erbeyî ya Sêwrege û deweka Yolgeçerî ya Xalfetî zî gêrîyayî binê karantîna.
Dewa Ernebatî ya qezaya Cizîre ya Şirnexî de zî testê vîrusê Korona yê 3 kesan pozîtîf vejîya. Nêweşî wedarîyay nêweşxaneyan. Xebatkaranê weşîye dewe de her kesî kontrol kerd. Yeno pawitene ke dewe de hûmara nêweşan bizêdîya. Cizîre de hema zî xeylê kuçe û keyeyan de karantîna dewam kena.
Amed de zî wexto ke tedbîrê vîrusê Korona ameyî sistkerdene hûmara nêweşan resa 150 ke destpêkê vilabîyayîşê vîrusî ra nata na hûmara tewr berze ya.Şaristan de bi taybetî seba qedexeyî şîn û aktîvîteyê bînî ameyî kerdene. Tewr peyên zî taxa Avdalli ya qezaya Çinarî de kesêk visur vîyarna 15 kesan.