Merkezê Xeberan - Gorê beyanatê hukmatê Tirkîya vizîr ra nata rîyê Korona ra 27 kesê bînî merdî û hûmara kesê ke ke heta nika merdê bîy 4 hezar û 249.
Wezîrê Weşîye yê Tirkîya Fahrettin Kocayî hesabê xo yê Twîtterî ser ra derheqê rewşa peyêne ya vîrusê Korona de zanayîş da.
Gorê beyanatê Kocayî mîyanê 24 saetanê peyênan de Kurdîstan û Tirkîya de 27 kesê bînî merdî û 961 kesanê bînan de nêweşîye ameya tesbîtkerdene. Hûmara kesê ke heta nika nê virusî ra merdê bîy 4 hezar û 249 û hûmara kesanê ke bi nê janî kewtî bîy 153 hezar û 548.