Merkezê Xeberan - Bakûrê Kurdistanî û Tirkîya de bîlançoya virusê Korona kêmî bena, hetêk ra hûmara nêweşan hetêk ra zî hûmara merdeyan hêdî-hêdî kêmî bena.
Vizîr Bakûrê Kurdîstanî û Tirkîya de rîyê janê Korona ra 31 kesê bînî merdî û hûmara nêweşan zî resa 150 hezar kesan.
Wezîrê Weşî Fahrettin Kocayî hesabê xo yê Twîtterî ser ra derheqê rewşa peyêne ya vîrusê Korona de zanayîş da.
Gorê vatişê ey vizîr ra nata 31 kesê bînî merdî û 1158 kesanê bînan de nêweşî amey tesbîtkerdene.
Bi nu qayde hûmara merdeyan vejîya 4 hezar û 171 û hûmara kesanê ke pê nê janî kewtî bîy 150 hezar.