Merkezê Xeberan - Bajaranê Amed, Çewlîg, Riha û Wanî yê Bakurê Kurdîstanî de testê vîrusê Korona yê zaf kesan pozîtîf vejîya û xeylî taxî zî gêrîyayî binê karantîna.
Herêma Sanayî ya Amedî de kargehêkê tekstîlî de testê vîrusê Korona yê 17 kesan pozîtîf vejîya. Karkerî nêweşxane de yenê weşkerdene û 5 karkerê bînî zî keye de karantîna de yê.
Taxa Talaytepe de zî roşan de testê 10 kesan pozîtîf vejîya û taxe gêrîyaya bînê karantîna. Taxa Obaya Jêrî ya qezaya Bismilî de zî testê vîrusî yê kesêk pozîtîf vejîya û taxe gêrîya binê karantîna.
Çewlîg de zî bi ameyîşê Roşanê Remezanî nêweşê Korona zêde bîyî.
Qezaya Çewlîgî Darahênî de bînayêk de testê qq kesan pozîtîf vejîya û bîna gêrîya bînê karantîna.
Taxanê Gedîkbaşi û Ekecekî yê qezaya Elbakî yê Wanî de zî testê vîrusê Korona yê 2 kesan pozîtîf vejîya û taxî gêrîyayî binê karantîna.
Taxa Pirsûsî ya qezaya Tifrigî ya Riha de zî testê kesêkî/e pozîtîf vejîya û taxe gêrîya binê karantîna. Qezayanê Wêranşer, Eyyûbîye û Xelilîye de zî 4 taxan de 4 bînayê bînî gêrîyayî binê karantîna.