Merkezê Xeberan - Serekê Partîya DEVA Alî Babacan YouTube ser ra rojnameger Cuneyt Özdemirî rê qisê kerd.
Cuneyt Ozdemîrî ci rê pers kerd ke, eke şima emşo weçînayîş qezenc bikî şima do se bikerê.
Naye ser Babacanî va. Meseleyanê welatî ra meseleya en muhîme meseleya azadî ya. Seba ney îradeyo sîyasî lazim o. Ma do vaje, rojnamegerî û çapemenî, şima hînî azad ê. Şima çi wazenê eşkenî bidê û vajê. Ma hînî qarişê şima nêdanê. Mesela hende rehet a.
Alî Babacan vano: Eke azadî nêbo, ekonomî nêbena, hûqûq nêbeno. Eke ez weçînayîş qezenc bikerî, ez do kesê ke semedê fikranê xo zindanan de yê, înan serbest veradî.