Vakurê Helebî, qezaya Babî de mabênê YPG û komê “Mertala Firatî” ê ke semedê Tirkîya falîyet kenê de pêrodayîş vejîya. Pêrodayîş de 9 çekdarê girêdayîyê Tirkîya amê kiştene.
Teşkîlatê Heqanê Merdiman yê Sûrîye (SOHR) aşkere kerd ke, YPG Vakurê rojavayê qezaya Babî de eşta çekdaran ser û mabênê çekdaran û şervananê YPG de şerêrko giran vejîyayo.
Beyanatê Teşkîlatê SOHRî de ame vatiş ke, pêrodayîş de 9 çekdarê ke seba Tirkîya şer kenê ameyê kiştene.
Heto bîn ra Hêzê Azadkerdişê Efrînî (HRE) zî ewro aşkere kerd ke, 2 çekdarê ke girêdayîyê Tirkîya bîyê, dewêka Ezazî de amey kiştene.