Yusuf Aydemîr bi sûcdakerdişê kiştişê Leyla Aydemîr cezaya muebede amebî ci dayene la bire hetê Mehkemeya Îstînafe ra ameye redkerdene. Aydemîr bi bira 'delîlê qîmî çin ê' ame veradayene.
Dewa Bazirganî ya merkezê Agirî de Leyla Aydemîra 4 serre 15ê hezîrana 2018î de vîn bibî û 18 rojan ra dima cenazaya ci amebî dîyene. Eşkera bibi ke Leylaya qije hetê apê xo Yusuf Aydemîrî ra amebî qetilkerdene. Dewa de kerdox Yusuf Aydemîrî rê cezaya muebede dîyabî.
Avûkatê Aydemîrî ceza rê îtîraz kerde. Mehkemeya Cezaya Girane ya Erziromî bira cezaya muebede qebul nêkerde. Heyetê mehkeme da zanayene ke seba îsbatê sûcî derheqê Aydemîrî de delîlê qîmî çin ê coka derheqê Aydemîrî de bira veradayîşî daye. Mehkeme bira veradayîşî ke derheqê verguman ê bînan ameyebî dayene zî betal kerde.