Merkezê Xeberan- Awustralya ke aşma êlule ra nata bi şewetanê girdan yeno rojdem de varan vara. Ame zanayîş ke bi gurrayîşê hewran û firtinoyan dûyê şewatî vila bi.
Bitaybetî bajarê Melbourne destpêkê hewteyî ra nêeşkayêne nefes bigiro. Dezgehê Pawitişê Derûdorî EPA da zanayîş ke gurrayîşê hewran û firtinoyan rewşa hawayî weşe bîya.
Gorê Metoroljî heta peynîya hewteyî varanê neweyî yenê pawitene. Rîyê şewatî girdî ra heta nika 28 kesan cuya xo vînî kerde, nêzdîyê 1 mîlyar heywanî gan dayî, 2 hezarî keyeyî rijîyayî û warê 100 hezar kîlometrayan vêşa bi wele.