Avukatanê Serekê PKK Abdullah Ocalanî vizêr semedo ke şêrê Îmralî Wezaretîya Edeletî rê muracat kerdbî.
Avukatanê Serekê PKK Abdullah Ocalanî vizêr semedo ke şêrê Îmralî Wezaretîya Edeletî rê muracat kerdbî. Muracatê avukatan ame qebûkerdiş û Avukatê Ocalanî ewro semedo ke Ocalan dir bêrê têhet şîy Îmralî.
Avukatê Ocalanî 20 rojî verî zî Ocalan dir Îmralî de ameybî têlewe.Wezîrê Edeletî Adbulhamît Gulî aşkera kerdbi ke Ocalan ser o tecrîd wedarîyayo û avukatê Serekê PKK Ocalanî eşkenê her hewte şêrê Îmralî. Abdullah Ocalan do ewro avukatanê Buroyê Huquqî yê Asrinî Rezan Sarica û Newroz Uysal dir Îmralî de pêvînayîş bikero.
Seke yeno zanayîş Parlementera HDP Leyla Guvene çend eşmîyo ke semedê tecrîdê Îmralî greva vêşanî de ya. Tena aye ney, hepisxane û tever de xeylê kesî bi aşmano ke greva vêşanî de yê. Çend hepisxaneyan de zî 40 kesî qasê aşmîyo ke rojeyê mergî de yê. Bi şîyayîşê avukatan meraq beno ke Abdullah Ocalan seba qedênayîşê gervanê vêşanî û rojeyê mergî çîyêk vajo yan ney!