Seba Hemserekê Pêroyî yê HDP’yî yo verên Selahattîn Demîrtaşî muracatê hepistîye ame kerdene. Eke waştişê Demîrtaşî bêro qebulkerdene yeno pawitene ke Demîrtaş do bêro veradayene.
Mehkemaya Cazaya Girane ya 19’ine ya Enqere roniştişê 2‘yê Êlule yê dawaya Hemsereko Hepsî yê HDP’yî yo verên Selahattîn Demîrtaşî qerarê serbest veradayîşî dabi. Serdozgerîya Enqere îtîrazê qerarê veradayîşî kerdbi. La Mehkemaya Cazaya Girane ya 20’ine ya Enqere îtîraz red kerdbi.
Eke Qerar Bêro Qebulkerdene Demîrtaş Do bêro Veradayene
Ame zanayene ke redkerdişê îtîrazî ra pey vizêr şan avûkatê Demîrtaşî seba cezayê ey bêro hesebnayene muracatê Mehkemaya Cazaya Girane ya 26’ine ya Enqere kerd û waşt ke cezaya 4 serrî û 8 menganê ke Demîrtaş rê ameybî dayene bêro hesebnayene. Eke mehkema muracat qebul bike yeno pawitene ke Demîrtaş do Hepisxaneyê Edîrne yê Tîpê F‘yî ra bêro veradayene.