Vizêr Amed de dewaya kişîyayîşê Kemal Kurkutî de derheqê polîsê kiştoxî Y.Ş.yî de qerarê veradayîşî amebi dayîş.
Avûkata keyeyê Kemal Kurkutî Reyhane Yalçindag vera qerarê mehkema de razînêbîyayîşê xo mojna û va: ''Kiştoxê Kurkutî wijdanê komelî de ameyî cezakerdene. Labelê mehkeme qerarêko xelet daya. Polîtîkaya bêcezaveradayîşî ya seba polîs û eskeran qasê serra Komara Tirkîya derg a. No qerar zî dewamê a polîtîka yo. ''
Yalçindage îzah kerd ke kişîyayîşê Kurkutî maneno kişîyayîşanê 1990an ke Mehkemeya Heqanê Merdiman a Ewropa nê kişîyayîşan ra Tirkîya kerda mehkum. Yalçindage vat: ''Eke derheqê nê serebûtî de dîmenê kamera û fotografî çin bîyêne beno ke dewa zî nêameyêne akerdene. Mehkeme bi na bire xelatêke daye kiştoxan. Heta ke ma sey pawitoxanê heqanê merdiman nêvajê 'qedîyaye' na dewa do nêqedîya. Ê eşkenê edalet erey bivisnê, îmza bierzê binê metnan ê îlegalan, kiştoxan bipawê.Xora na cografya de 40 serran ra nata ê heman çi kenê. Heta ke kiştoxî bêrê cezakerdene têkoşînê ma do dewam bikero.''