Vizêr Dîyarbekir de cinêk verê çimanê gedeyanê xo de amey kiştene. Avukat Muzeyyen Boyluya 43 serrîya ke endama Baroyê Dîyarbekirî bî hetê mêrdê xo Mesûd Îssî ra mîyanê kuçeyî de pê demençe amey kiştene.
Vizêr Dîyarbekir de cinêk verê çimanê gedeyanê xo de amey kiştene. Avukat Muzeyyen Boyluya 43 serrîya ke endama Baroyê Dîyarbekirî bî hetê mêrdê xo Mesûd Îssî ra mîyanê kuçeyî de pê demençe amey kiştene.
Mesûd Îssî semtê Alîpaşa yê Dîyarbekirî de doktorî kerdêne û no demêk o Muzeyyen Boylu dir cîya ciwîyêne.Qaso ke zanîya Mesûd Îssî û Muzeyyen Boylu vizêr seba şahîyêka gedeyanê xo amê têhet û mabênê înan de minaqeşe vejîyayo.
Mesûd Îssî bi demençeyê xo û bi 14 guleyan cinîya xo ya verêne Muzeyyen Boylu qetl kerd.Mesûd Îssîyo ke cinîya xo verê çimanê gedeyanê xo de kişt, 2 gedeyê xo teslîmê keyeyê xo kerd û dima ra şi teslîmê polîsan bi. Cenazeya Muzeyyen Boylu şewe bîne qezaya Dîyarbekirî Çinar de amey definkerdene.
Baroyê Dîyarbekirî qetlbîyayîşê endama xo ser o beyanatêk da û qetlbîyayîşê Muzeyyen Boylu bi fekêko tuj şermezar kerd.
Heto bîn ra ewro zî semedê Muzeyyen Boylu merkezê Baroyê Dîyarbekirî de tazîye amey ronayîş.Merkezê baroyî bi resimanê avukat Muzeyyen Boylu ame xemişnayîş û xeylê avukatî amê cayê tazîye.Hemserekê Beledîyeya Dîyarbekirî Selçuk Mizrakli zî cayê tazîye zîyaret kerd.