Merkezê Xeberan - Platformê Ma do Qetilkerdişê Cinîyan Vindarnê aşker kerd ke, ke aşma gulane de 21 cinîyî hetê camêrdan ra ameyî qetilkerdene.
Platformê Ma do Qetilkerdişê Cinîyan Vindarnê (KCDP) raporê xo yê şîdet û qetilkerdişê cinîyan û domanan ê aşma gulane eşkera kerd.
Gorê raporî aşma gulane de 21 cinîyî hetê camêrdan ra ameyî qetilkerdene.
Rapor de îzah bi ke, 18 cinîyî bi hawayêko şikdar ameyî qetilkerdene û ame vatiş ke, heta ke qetilkarî eşkera mebî û nêrê cezakerdene do hêrişê vera cinîyan û domanan zî dewam bikerê.
Prosesê Korona de şîdetê vera cinîyan zêdîyayo. Platformî vist vîr ke tay akesmîyenî televîzyonan de derheqê zewajê domanan de qisey kenê ke îstîsmarê vera domanan sey meşrû ramojnê û çîyo wînasî nêno qebulkerdene. Rapor de ame vatene ke ganî cinîyî hetê kamî ra qey ameyî qetilkerdene bêrê tesbîtkerdene û qetilkarî bêrê cazekerdene ke vernîya şîdet û qetilkerdişan bêro girewtene.