KCDPyî da zanayîş ke aşma êlule de 26 cinîyî hetê camêrdan ra ameyî kiştene.
Platformê 'Ma do Verê Qirkerdişê Cinîyan Bigêrê' (KCDP) raporê xo yê êlula 2021î eşkera kerd.
Goreyê raporî menga êlule de 26 cinîyî hetê camêrdan ra ameyî qetilkerdene û 19ê cinîyan zî bi hewayêkê şikdarî dinyaya xo bedilna.
Rapor de ame vatene 10 cinîyan seba ke waşt qeraranê xo bi bidê, rîyê waştişê verdayîş û redkerdişê zewajî ra ameyî qetilkerdene.
26 cinîyan ra 14 ciniyî hetê mêrdayanê xo ra, 6ê înan hetê waştîyanê xo ra, 2ê înan hetê babîyê xo ra, 1 hetê waştîyê xo yê verênî ra 1 zî hetê merdimê xo ra ameyî kiştene. 18 cinîyî keyeyê xo de, 2ê înan erazî de 1 binateyê kuçeyî de, 1 wesayît de û 1 zî otêle de ameyî kiştene. Nê ame tespîtkerdene ke 3 cinîyî ça de ameyî qetilkerdene. 9ê cinîyî pê çekan, 8ê înan pê hacetanê tujan, 4ê înan bi fatisnayîşî, 2ê înan bi cayê berzî ra wardayîşî, 2ê înan bi derbkerdişî û 1 zî bi vêşnayîşî ameyî qetilkerdene.