Hêzên Ewlekariya Navxwe yên Bakur û Rojhilatê Sûriyê daxuyaniyek derbarê şerê li Qamişlo belav kir û ragihand ku di encama êrişla milîsên ser bi hikûmeta Sûriyê de endamekî asayişê jiyana xwe ji dest da.
Li gor daxuyaniya Asayişa Rojavayê Kurdistanê milîsên Berevaniya Niştîmanî li ser karê xwe yê “têkdana asayîş û ewlekariya bajarê” Qamişlo berdewam in.
Derbarê çawaniya bûyerê de jî di daxuyaniyê de hatiye gotin, endamên Milîsên Berevaniya Niştîmanî gule berdane xaleke asayîşê li dewara Wehdê, di encamê de endamekî hêzên wan birîndar bûye û “şehîd ketiye.”
Hêzên Ewlekariya navxwe radigihîne, ew dûdil nabin berevaniyê li xwe bikin û hemû hewlên milîsan yên armanckirina xalên wan yê ewlekariyê û belavkirina “fitne û çêkirina alozî û tevlîheviyê” di navbera xelkê de li navçeyê, tekez jî dike ku ew dê bi awayekî yekalîker serederiyê li gel van karan bikin.
Şeva derbasbûyî li taxa Tey-Dewara Wihdê ya Qamişloyê di navbera Aşayîşa Rêveberiya Xweser û hêzên hikûmeta Sûriyê de şer derket.
Peyamnêra Rûdawê li Qamişlo ragihand ku demjimêr 21:10 hêzên hikûmeta Sûriyê êrîşî xaleke kontrolê ya Asayîşa Rêveberiya Xweser kir inû di encamê de endamekî Asayîşa Rêveberiya Xweser yê bi navê Xalid Hacî jiyana xwe ji dest da û çend kes jî birîndar bûn.
Piştî şer hêzên Aşayîşa Rêveberiya Xweser heremaku hêzên hikûmeta Sûriyê lê dimîne dorpêç kirin.
Rûdaw