Dezgeha Asayişa Herêma Kurdistanê daxuyaniyek belav kir û ragihand, Asayişa Silêmanî bi hevkariya Rêveberiya Asayişa Şarezûr “du serkirdeyên DAIŞê û tîmeke terorîstî li parêzgehên Helebcê û Helebcê desteser kirin” wek şaneyên raketî li sînorê Herêma Kurdistanê xwe veşartibûn.
Li gor zanyariyên Dezgeha Asayişa Herêma Kurdistanê, ew serkirde û çekdarên DAIŞê “di hewla xwerêkxistinê de bûn bo têkdana aramiya Herêma Kurdistan, jiyana xelk û cîbicîkirina planên xwe” û amaje bi wê jî kir, “plan danîbûn xwe rêk bixin û amade bikin bo çend kirdeyên terorîstî li sînorê parêzgehên Silêmanî û Helebcê.”
Bi biryar û serpereştiya Serokê Dezgeha Asayişa Herêma Kurdistanê, Asayişa Silêmanî lêkolîn daye destpêkirin û piştî mehekê “pêdeçûna hûr, bidestxistina zanyarî û belge, diyarkirina cihê mana terorîstan û çavdêriya wan, piştî rizamendiya dadwerî lêkolîn bi biryara Serokê Dezgehê, şeva 27/28ê Tîrmeha 2021, tevger bi hêzên Operasyosyona Asayişa Silêmanî û Asayişa Şarezûr hat kirin û li parêzgeha Helebce, di 4 operasyonên mezin û helmetên hevdem de, her terorîstên bi navên (E.H), (l.C), (Z.H) û (E.H.E) hatin desteserkirin ku du ji wan serkirdeyên DAIŞê bûn û beşdarî û serpereştiya çendîn tawanan kirine.”
Herwiha hat eşkerekirin, di operasyoneke din de li Silêmanî hêzên Aasayişa Silêmanî “terorîstê bi navê (S.E) desteser kirin.”
Lêkolîn li ser wê keysê destpê kiriye û derketiye ku “terorîstên desteserkirî” li gor madeya 4 a terorê hatibûn daxwazkirin û çekdarên DAIŞê bûn li “wîlayeta başûr û beşdar bûn di çend tawanên dijî mirovahiyê û li çend bajarên Iraqê Herêmê xwe rêk xistibûn û encama wan ew bû çendîn kiryarên terorîstî encam bidin.”
Dezgeha Asayişa Herêma Kurdistanê behsa wê jî kir, li ber selametiya lêkolînan, zanyarî hatine hildan û di pêşerojê de li ser vê mijarê bo raya giştî dê bên belavkirin.