Artêşa Tirkiyê Zinarê Kêste topbaran dike

.

 Artêşa Tirkiyê îro careke din dest bi êrişên xwe yên li navçeya Zinarê Kêste bajarokê Kanî Masê kiriye û navçeyê topbaran dike.

Peyamnêrê Rûdawê li navçeyê ragihand, artêşa Tirkiyê beriya kêliyekê dest bi topbarankirina Zinarê Kêste kiriye.

Peyamnêrê Rûdawê diyar kir, artêşa Tirkiyê herwiha derdora gundê Hirûrê jî topbaran dike.

Ji ber topbarana Tirkiyê bo ser navçeyê, şewatek mezin li navçeyê çêbûye.

Peyamnêrê Rûdawê dibêje, şewata li navçeyê ku di encama topbarana Tirkiyê de derketiye, her ku diçe berfirehtir dibe û ber bi gundên Kêste û Çelkê ya Krîstiyanan ve diçe.

Derbarê zirarên topbaran de hêj agahî nehatine bidestxistin.

Rûdaw

Kurdistan Haberleri

"Em biryarên cezayên hefsê yên di derbarê Selahattîn Demîrtaş û hevalên wî de hatine birîn protesto dikin"
PWKyê li Amed, Mêrdîn û Batmanê belavokên ji bo Roja Zimanê Kurdî belav kir
UNESCO: Li Îranê metirsî liser zimanên kurdî, azerî û tirkimanî heye
Îranê 6 Kurdên din jî îdam kirin
HEVPEYVÎN | Serokê ENKSê li ser êrîşan û rewşa dawî ya diyaloga 'Kurdî-Kurdî' ji PeyamaKurd re axivî