Merkezê Xeberan
Artêşa tirkîya konvoya sivîlan a ke Reqqa ra ver bi Girê Spî amêne bi teyareyanê şerî bombardûman kerd. Netîceyê bombardûman kerdişî de 3 sivîlî ameyî qetiilkerdene û bi desan birîndarî estî.
Seba şermezarkerdişê hêrişanê dagirkerî yê dewleta Tirkîya bi desan hemwelatijî herêmanê cîya-cîyayan yê vakur û rojhelatê Sûrîye ra herikîyayî Girê Spî. Hemwelatijî waştî ke tewrê çalakîya mertala ganî bibê.
Goreyê xeberan seba eynî waştişan konvoyêka sivîlan Reqqa ra wexto ke ver bi Girê Spî amêne bîy hedefê teyareyanê şerî yê dewlet tirkîya. Çîmeyê herême da zanayene ke netîceyê bombardûman kerdişî de 3 sivîl qetil bîyî û bi desan kesî zî birîndar bîyî.