Artêşa Tirkîya û çekdarê girêdayîyê aye, Efrîn de daranê şarî birnenê. Darê ke yenê birnayîş, erşawîyenê Tirkîya.
Artêşa Tirkîya a ke bajarê Kurdan Efrîn îşgal kerda, roja ke Efrîn îşxal kerdo ra nata zerarêko pîl dana daristananê Efrînî. Tirkîya daranê herême vêşnena û daranê ke birnena zî ana Tirkîya.
Çekdaran bi nameyê Tûgaya 112’ine û Tûgaya 3’ine darê zeytûnî yê Mabata vêşnayî. Goro ke vajîya Mabata de qasê hezar darî bîyê wele û Şera de zî xeylî darî amey vêşnayîş.
Ame zanayîş ke, dewa Xazyenê ya Mabata de zî 5 hezar darî hetê çekdaran ra amey birnayîş. Artêşa Tirkîya û çekdarê aye roja ke Efrîn îşxal kerdo ra heta ewro 14 hezar hektar erd û bi hezaran darê fêkîyan vêşnayê û dest nayê mehsulanê şarî ser